Poderán optar a estas subvencións as asociacións, fundacións e entidades culturais sen ánimo de lucro, legalmente constituídas e inscritas nos rexistros correspondentes e no censo de actividades culturais da Consellería de Cultura e Deporte, e con domicilio social en Galicia, que teñan os seus locais en propiedade.

Prazo: 10 de maio ao 9 de xuño de 2008

Equipamento subvencionable e contía das axudas:

-Equipamento informático. Máximo por beneficiario 3.000 euros.

-Equipamento audiovisual. Máximo por beneficiario 5.000 euros.

-Material inventariable. Máximo por beneficiario 2.000 euros.

-Equipamento escénico. Máximo por beneficiario 10.000 euros.

-Mobiliario. Máximo por beneficiario 5.000 euros.

-Sistemas de prevención e seguridade. Máximo por beneficiario 5.000 euros.

-Arranxos interiores. Máximo por beneficiario 10.000 euros.

-Arranxos exteriores. Máximo por beneficiario 10.000 euros.

A axuda máxima por beneficiario que concederá a consellería será de 30.000 euros, que en ningún caso poderá exceder do 70% do proxecto que se vaia desenvolver. A entidade deberá achegar a diferenza ata acadar o 100% do gasto que se vaia realizar.

Presentación de solicitudes: A solicitude e documentación requerida dirixirase á conselleira de Cultura e Deporte, consonte o modelo que figura como anexo I, e poderán presentala no rexistro xeral da Consellería de Cultura e Deporte, nos rexistros das súas delegacións provinciais ou por calquera dos outros medios previstos no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.

Publicación: DOG Nº 89, Venres 9 de maio de 2008

Máis información: http://www.xunta.es/dog/Dog2008.nsf/0e5fb445f3681a75c1257251004b10d7/6e954f0381840e66c125744300591616/$FILE/08900D008P053.PDF
Delegación Provincial da Consellería de Cultura e Deporte: Durán Loriga, 3-7º - 15003 A Coruña Tel.: 981 185 691 - Fax: 981 185 891